وزارت زراعت، آبیاری و مالداری اعلام کرده است که هیأتهای عالی رتبه امارت اسلامی به رهبری مولوی عطاءالله عمری وزیر این وزارت، و جمهوری اوزبیکستان به رهبری شوکت همرایوف وزیر آب آن کشور از ساحات تخریب شده اطراف دریای آمو در ولایت بلخ بازدید کردند.
به گفته این وزارت، مسوولان افغانستان و اوزبیکستان از ساحات مختلف تخریب شده در اطراف دریا آمو بازدید کرده و تأکید بر جلوگیری از تخریبات بیشتر کردند.
این وزارت افزوده است، نمایندگی از افغانستان کمیته به رهبری مولوی عطاءالله عمری، محمد یوسف وفا والی بلخ، مولوی عبدالحق همکار آخوند معین وزارت امور داخله، مولوی مجیبالرحمن عمر معین وزارت انرژی و آب، ابراهیم حکمت رییس اقتصادی کمیسون اقتصادی، نمایندگان وزارت دفاع ملی و اداره امور همچنان نمایندگی از کشور اوزبیکستان هیأت با حضور شوکت همرایوف وزیر آب و عصمت اکه نماینده خاص رییس جمهور کشور اوزبیکستان در امور افغانستان و همراهانشان حضور داشتند.