د ملي دفاع وزیر مولوي محمد یعقوب “مجاهد” د اوزبیکستان د استخباراتو له رییس جنرال قربانوف باخودیر، د نوموړي مرستیال جنرال مختورف فرخ، د یاد هېواد د سرحدي ځواکونو قوماندان جنرال خسانوا سلیمژون او مل پلاوي سره لیدنه کړې.
په دغه لیدنه کې، اوزبیکستاني پلاوي په هېواد کې د بشپړ امنیت او اقتصادي پرمختګ په اړه خوښي ښودلې او د دوه اړخيزو اړيکو پر پياوړتيا يي ټينګار کړی دی.
مولوي محمد یعقوب “مجاهد” په نړيوال سټيج کې د افغانستان په اړه د اوزبیکستان هېواد د مثبت موقف څخه مننه کړې او د دوه اړخيزو اړيکو پر پراخوالي يي ټينګار کړی دی.
د ليدنې په پای کې دواړو لوریو د سرحدي همکاريو د ښو اړیکو په درلودلو او نورو اړوندو موضوعاتو په اړه خبرې او نظرونه شریک کړې دي.