اسرائیلي یرغلګرو په کلابنده غزه کې خپلو بریدونو ته دوام ورکړی، چې هره ورځ لسګونه فلسطینیان پکې شهیدان او ټپیان کېږي.
د غزې روغتیا وزارت وايي، چې په تېرو ۲۴ ساعتونو کې د اسرائیلي یرغلګرو د بریدونو له امله لږ تر لږه ۳۹ فلسطینیان شهیدان او لږ تر لږه ۳۱۷ نور ټپیان شوي دي.
په غزه تړانګه کې د اسرائيلي یرغلګرو د ۲۰ میاشتنۍ جګړې له پیل راهیسې لږ تر لږه ۵۵ زره او ۹۹۸ فلسطینیان شهیدان او لږ تر لږه ۱۳۱ زره او ۵۵۹ نور ټپيان شوي دي.
د روان زېږدیز کال په مارچ کې په یو طرفه ډول د اسرائیلي رژیم له لوري د اوربند له ماتولو وروسته د صهیونیستي یرغلګرو په بریدونو کې لږ تر لږه ۵ زره او ۶۸۵ فلسطینیان شهیدان او ۱۹ زره او ۵۱۸ نور ټپیان شوي دي.