د افغاني سرې میاشتې ټولنې عمومي رییس شیخ شهابالدین دلاور د افغانستان لپاره د سره صلیب نړیوال فدراسیون له مسول سمع الفخوري سره وکتل.
د افغاني سرې میاشتې عمومي رییس په دې کتنه د نړيوال فدراسیون د دوامداره بشري مرستو او مالي همکاریو مننه وکړه او اړمنو ناروغانو او راستنېدونکو کډوالو لپاره یې د لا زیاتو مرستو غوښتنه وکړه.
ورته مهال ښاغلي الفخوري ډاډ ورکړ، چې نږدې راتلونکې به ایرلینډ، نیوزیلنډ او هالنډ هېوادونه د روغتیايي خدمتونو د پراختیا برخه کې ۱.۷ میلیونه یورو مرسته وکړي.
نوموړي دغه راز ډاډ ورکړ، چې د لازیاتو بشري مرستو د جلب لپاره به د افغاني سرې میاشتې ټولنې عمومي رییس ته د جینوا د سفر زمېنه هم برابره کړي.