د راپورونو پر اساس د واګنر ډلې مشر یوګني پریګوژین د روسیې په تور سیمه کې د یوې خصوصي الوتکې د لوېدو له امله وژل شوی.
د روسیې دولتي تلویزیون هم د واګنر ډلې د مشر وژل کېدل تایید کړي دي.
له دې وړاندې واګنر ډلې ویلي وو، چې ۶۲ کلن پریګوژین د روسیې د خاینانو له لاسه وژل شوی او د سپرلۍ الوتکه یې د هوايي دفاع له لوري ویشتل شوې ده.
په دې پېښه کې د الوتکې د عملې درېیو کارکوونکو په ګډون لس تنه وژل شوي دي.
یوګیني پریګوژین په ۲۰۱۴ زېږدیز کال واګنر ډله جوړه کړه، چې اوس مهال شاوخوا ۲۵ زره وسلهوال لري.
نوموړي د روان کال په تېره جون میاشت کې د روسیې پر ضد د وسلهوال بغاوت مشري هم کوله، چې یو ښارګوټی یې لاندې او د پلازمېنې مسکو پر لوري یې د تلو ګواښ وکړ.
یاد بغاوت وروسته بیا د یوه جوړجاړي له مخې پای ته ورسول شو.