د ریاست الوزرا سیاسي مرستیال مولوي عبدالکبیر په مشرۍ له افغان شخصیتونو سره د اړیکو او هېواد ته د شخصیتونو راستنولو کمېسیون خپله نوبتي غونډه کړې .
په دې غونډه کې د یاد کمېسیون مشر او غړو یې هېواد ته د تېرې ادارې د یو شمېر پخوانیو مقاماتو، علمي او فرهنګي شخصیتونو پر بېرته راستنېدو او د هغوی پر وړاندیزونو خبرې کړې.
دغه راز په غوڼده کې د یاد کمېسیون د فعالیتونو پر ښه والي او لاسته راوړنو بحث شوی، چې چارې یې مثبتې ارزول شوې.
یاده غونډه داسې مهال ترسره کیږي، چې د دې کمېسېون په هڅو د ۶۰۰ په شاوخوا کې د تېرې ادارې کارکونکي هېواد ته راستانه شوي.