د هېواد په تولیدي سکټورونو کې د ځان بسیاینې لپاره هڅې!
د لومړي ځل لپاره له افغانستان څخه د یوې خصوصي تولیدي فابریکې له لورې طبي محصولات اوزبیکستان ته صادر شول.
د مسولینو په وینا؛ د یادې طبي کڅوړې ارزښت ۲۵۰ زره امریکایي ډالر دی، چې ټول ټال درې زره کارټنه کېږي.
د سوداګرۍ او پانګونې خونې مرستیال خیرالدین مایل وایی، چې اوسمهال هېواد کې په نړیوالو معیارونو برابر محصولات تولېدېږي.
نوموړي له صنعت او سوداګرۍ وزارت غوښتي، تر څو د کورنیو محصولاتو د ودې او بازارموندنې لپاره په نړيوالو نندارتونونو کې د ګډون زمینه برابره کړي.
صنعت او سوداګرۍ وزارت وړاندې ویلي و، چې افغانستان په ۱۳۳ تولیدي محصولاتو کې ځان بسیاینې ته رسېدلی دی.