د راپورونو پر اساس حماس غورځنګ غزه کې د اوربند په تړاو د امریکا وړاندیز رد کړ.
د یاد غورځنګ د سیاسي دفتر مشر یحیی سنوار وايي، چې په دې وړاندیز کې د اشغالګرو اسرائیلو شرطونو ته ځای ورکړل شوی، خو د حماس شرطونه له پامه غورځول شوي دي او دوی به هېڅ وخت داسې وړاندیز ونه مني، چې د فلسطین خاوره پکې بایلل کېږي.
حماس جهادي غورځنګ په یوه بیانیه کې ویلي، اوربند هغه وخت ممکن دی، چې اسرائیلي اشغالګر په بشپړه توګه د غزې له خاورې څخه ووځي.
یاده بیانیه کې ویل شوي، چې حماس پر خپلو اصولو ولاړ دی او د خپلې خاورې د ساتنې لپاره کلک دریځ لري.