د غزې روغتیا وزارت وايي، چې په تېرو ۲۴ ساعتونو کې د اسرائیلي یرغلګرو د بریدونو له امله ۳۲ فلسطینیان شهیدان او ۸۸ نور ټپیان شوي دي.
یاد وزارت زیاتوي، چې پر غزه د صهیونیستي یرغلګرو د بریدونو له پیل راهیسې ۳۹ زره او ۹۲۹ فلسطینیان شهیدان او ۹۲ زره او ۲۴۰ نور ټپیان شوي دي.
پر غزه د صهیونیستي رژیم وحشي بریدونه دوام لري او هره ورځ لسګونه فلسطینیان پکې شهیدان او ټپیان کېږي.
د فلسطین د احصایې مرکزي دفتر د یوه راپور په خپرولو سره ویلي، چې د اسرائیلي یرغلګرو د بریدونو له پیل راهېسې تر دې دمه د غزې تړانګې ۱.۸ سلنه وګړي شهیدان شوي.
د یاد راپور پر اساس؛ د دغو شهیدانو ۷۵ سلنه یې له ۳۰ کلونو کم عمر کسان دي.