د فلسطین د دولتي رسنیو دفتر د غزې په تړانګه د اسرائیلي یرغلګرو د ۲۵۰ ورځو بریدونو د قربانیانو شمېر خپور کړ.
د دغو شمېرو له مخې، په غزه کې د ۱۵ زره ۶۹۴ ماشومانو په ګډون ۳۷ زره ۲۰۲ تنه شهیدان شوي، ۸۴ زره ۹۳۲ تنه ټپیان او ۱۰ زره نور نادرکه دي.
د یادو شمېرو پر بنسټ په دې موده کې ۴۹۸ روغتیايي کارکوونکي او ۱۵۰ خبریالان هم وژل شوي دي.
په دغه بهیر کې ۷۹ زره ټنه چاودیدونکي توکي د اسرائیلي یرغلګرو له لوري د غزې په تړانګه غورځول شوي او د دغو چاودیدونکو توکو لومړنی زیان ۳۳ میلیارده ډالره اټکل شوی دی.