د پاکستان ډان ورځپاڼې د پاکستاني صادرونکو، صنعتکارانو او سوداګرو له قوله ویلي، چې له افغانستان سره د لارو تړل کېدو له کبله ورته هره ورځ له څلور میلیونه ډالرو زیات زیان رسېږي.
دغو پاکستاني سوداګرو زیاته کړې، چې پاکستان له افغانستان سره د لارو تړل کېدو له امله په چټکۍ سره د افغانستان او منځنۍ اسیا بازارونه له لاسه ورکوي.
دا په داسې حال کې ده، چې د اسلامي امارت ویاند مولوي ذبیحالله مجاهد تېره ورځ ویلي و، چې له پاکستان سره سوداګریزې لارې به هغه وخت بېرته پرانیستل کېږي، کله چې د پاکستان له حکومت څخه قوي او باوري تضمینونه ترلاسه شي.