د تخنیکي او مسلکي زدهکړو ادارې له لوري په کابل کې د ځانګړو زدهکړو او ملي خبرو اترو لومړی دوه ورځنی کنفرانس پیل شو.
د تخنیکي او مسلکي زدهکړو ادارې رییس مولوي غلام حیدر شهامت په دې کنفرانس کې ویلي چې په ټول هېواد کې کڼو او ړندو کسانو ته د زدهکړو زمېنه برابره شوې ده.
د ښاغلي شهامت په وینا، د دې ادارې د زدهکړو د ځانګړو مرکزونو شمېر له ۱۶ څخه ۲۹ ته لوړ شوی او کڼو او ړندو ته تعلیمي نصاب او درسي کتابونه هم چمتو شوي دي.