په عمان کې د افغانستان اسلامي امارت سفیر حافظ عمر د دغه هېواد په پلازمېنه مسقط کې د اقلیمي بدلون په اړه جوړه شوې غونډه کې ګډون وکړ.
غونډه د عمان د چاپېریال ادارې د رییس ډاکټر عبدالله بن علي العمري په مشرۍ او د ګڼ شمېر لوړپوړو چارواکو په شتون کې ترسره شوه.
په غونډه کې اعلان وشو، چې د عمان د اقلیم اونۍ به د ۲۰۲۶م کال د سپټمبر له ۱۴مې تر ۱۶مې نېټې د عمان په کنفرانس مرکز کې ترسره شي او نوې نړیوالې څېړنې به پکې وړاندې شي.
د یادونې وړ ده، چې تېره ورځ ښاغلي حافظ عمر د عمان د بهرنیو چارو وزارت په جوړه شوې شپږمه کلنۍ غونډه کې هم ګډون کړی و.
په دې غونډه کې د عمان د بهرنیو چارو وزیر سید بدر بن حمد البوسعیدي او د مېشتو استازولیو او نړیوالو سازمانونو مشران هم ګډون درلود.