د کانونو او پټرولیم وزیر ملا هدایت الله بدري د مس عینک کان قراردادي شرکت له مسوولینو سره لیدنه کړې.
د دې لیدنې په پیل کې د MCCT شرکت رییس د پروژې د کاري پرمختګ، د تړون د ژمنو د پلي کولو او د پروژې لپاره د برېښنا برابرولو، چې د یاد شرکت له لوري په دې برخه کې عملي ګامونه پورته کېږي خبرې کړې دي.
نوموړي همدارنګه د مس عینک پروژې تخنیکي او اقتصادي څېړنیز راپور د وزارت مشرتابه ته سپارلی دی.
په پای کې د کانونو او پټرولیم وزیر ملا هدایت الله بدري د یادې پروژې د کارونو د چټکتیا په اړه ټینګار کړی او ویلي یې دي، یاد وزارت د مس عینک پروژې د لا ښه پلي کېدو لپاره هر ډول همکارۍ ته چمتو دی.