د ریاست الوزرا اقتصادي مرستیال ملا عبدالغني برادر اخوند د سعودي عربستان «دلتا انټرنشنل» شرکت له اجراییوي رییس شاهر التقي سره لیدنه کړې.
د ریاست الوزرا اقتصادي معاونیت وايي، چې په دې لیدنه کې د امریکا پخواني ځانګړي استازي زلمي خلیلزاد هم شتون درلود.
په دې لیدنه کې دواړو لوریو د ګازو د اکتشاف، استخراج او د ګازو د نل لیکو غځولو په اړه خبرې کړې دي.
د یاد شرکت اجراییوي رییس د افغانستان د نفتو او ګازو په برخه کې د پانګونې لپاره لېوالتیا څرګنده کړې او ژمنه یې کړې، چې له افغان انجنیرانو سره به خپلې تجربې شریکې کړي.