په ترکیه کې د افغانستان اسلامي امارت سفیر شیخ صنیع الله فرهمند، د ياد هېواد لپاره د ترکمنستان له سفیر ښاغلي مکان ایشان قالیوف سره لیدنه وکړه.
په انقره کې د اسلامي امارت سفارت وایي، چې په دې لیدنه کې دواړو لوریو د افغانستان او ترکمنستان ترمنځ په دوهاړخیزو اړیکو، ګډو ګټو او د سیمې سره د افغانستان په اقتصادي نښلون او يو لړ نورو مسایلو خبرې او نظرونو شریک کړل.
یاد وزارت زیاتوي، چې دغهراز دواړو لوریو د افغانستان سياسي او اقتصادي ثبات، د سيمې د ثبات لپاره اړين وباله او په دې لړ کې يې د اسلامي امارت هڅې وستايلې.