د پانګونې بین الوزارتي کمېټې نوبتي غونډه په مرمرینه ماڼۍ کې وشوه.
دې غونډې ته په هرات او نیمروز ولایتونو کې د بادي برېښنا د تولید او په کابل ښار کې د سوداګریز مارکېټ جوړولو طرحې د بحث لپاره وړاندې شوې.
له هر اړخیز بحث ورورسته جلا جلا کمېټو ته دندې وسپارل شوې، څو یادې طرحې له تخنیکي، مالي او اقتصادي پلوه و ارزوي او خپل راپورونه په ټاکل شویو نېټو د پانګونې بین الوزارتي کمېټې ته وړاندې کړي.