د سختو بارانونو او د سېلابونو د راوتلو له امله د پنجشېر، پروان او پکتیا ولایتونو ځینې مواصلاتي لارې په موقتي ډول د ترافیکو پر مخ تړل شوې دي.
د ټولګټو وزارت په وینا، په پنجشېر کې د درې ولسوالۍ، د ګردېز–خوست لویه لاره، د پکتیا–ګردېز، په پکتیا کې د احمدخېلو ولسوالۍ لاره او د پروان–بامیان لویه لاره تړل شوې ده.
همدارنګه، د کابل–جلالاباد لویه لاره چې د سېلابونو له امله تړل شوې وه، د پاککارۍ له عملیاتو وروسته بېرته د ترافیکو پر مخ پرانیستل شوې ده.