د کانونو او پټرولیم سرپرست وزیر شیخ شهاب الدین دلاور د MRT کمپنۍ له رییس ګریمن کفانوف او د میګا ابرک کمپنۍ له ریيس انجینیر روح الله سادات سره لیدنه کړې.
په دې لیدنه کې د افغانستان په طبیعې زېرمو د پانګونې په شته فرصتونو او هېواد کې د سراسري امنیت په تړاو بحث شوی.
دغه راز د یادو شرکتونو رییسانو د افغانستان په کانونو د پانګونې په ځانګړې توګه د زمرد ډبرو د کانونو په برخه کې لېوالتیا ښودلي، چې د کانونو او پټرولیم سرپرست وزیر لخوا ورته ښه راغلاښت وویل شو.
ښاغلي دلاور بهرنیو کمپنیو ته د پانګونې د اسانتیاوو رامنځته کولو په برخه کې د لازمو همکاریو ژمنه کړې.
د یادونې وړ ده چې دغه کمپنۍ د مسلکي پرسونل او همدارنګه پر نړیوال سیستم برابر د قېمتې ډبرو د پرې کولو لپاره د نویو وسایلو په درلودلو سره د پانګونې غوښتونکي وو.