د لومړي ځل لپاره پرون د ملي اسلامي اردو د ځانګړو ځواکونو (کمانډو) قومنداني مرکز د کابل په ګارنیزون کې په هېواد کې د امنیت د لا ښه تامین په موخه پرانیستل شو.
مسولينو پخپلو خبرو کې د ملي دفاع وزارت په قطعاتو او جزوتامونو کې د ځانګړو ځواکونو د مرکز پرانیستل يو مهم ګام بللی او د هېواد په نورو ولايتونو کې يې د دغه مرکز د پرانستلو خبر ورکړی دی.
د ملي اسلامي اردو ځانګړي ځواکونه (کمانډو) په عصري او پرمختللو وسلو سمبال او په مسلکي ډول روزل شوي دي، چې په هر ډول شرایطو کې به خپلو دندو ته دوام ورکوي.