د چین ولسمشر شي جېن پېنګ او روسي سیال یې ولادیمیر پوتین په یوه ګډه خبري ناسته کې پر خپلمنځي همکاریو ټینګار کړی او د اوکراین او غزې د جګړو په ګډون یې پر بېلابېلو نړیوالو موضوعاتو خبرې کړې دي.
د چین ولسمشر شي جین پینګ ویلي، روسیه او چین دواړه د اوکراین مسلې لپاره یوه سیاسي حل لاره غواړي.
نوموړي زیاته کړې، هېواد یې هیله من دی چې اروپا به ژر بېرته سولې او ثبات ته وګرځي.
ولادیمیر پوتین هم د اوکراین مسلې د حل په اړه د چین دریځ تایید کړی.
نوموړي هم د کړکېچ پای ته رسولو لپاره له سیاسي لارو د هڅو هوډ څرګند کړی دی.